Дэлегацыя г. Куньшань (Кітайская Народная Рэспубліка) 30 мая 2023 г. наведала Беларускі дзяржаўны тэхналагічны ўніверсітэт. Дэлегацыю ўзначаліў намеснік мэра народнага ўрада г. Куньшань г-н Сунь Юн. У склад дэлегацыі ўвайшлі кіраўнікі і прадстаўнікі гарадскіх структур, якія адказваюць за яго сацыяльна-эканамічнае развіццё, адукацыю, навуку, прамысловыя тэхналогіі і інавацыйныя праекты.
Адбылася сустрэча з рэктарам універсітэта Ігарам Войтавым. У ходзе сустрэчы рэктар азнаёміў кітайскіх гасцей з гісторыяй універсітэта, яго навуковымі і адукацыйнымі напрамкамі і праграмамі. Дэлегацыя наведала шэраг лабараторый, навуковая дзейнасць якіх прадстаўляе для кітайскага боку цікавасць.
У канферэнц-зале ўніверсітэта ў рамках семінара з удзелам прафесарска-выкладчыцкага складу прайшло абмеркаванне пытанняў адукацыйнага, навукова-тэхнічнага і інавацыйнага супрацоўніцтва БДТУ з г.Куньшань
Адбылося ўзнагароджанне намесніка мэра г. Куньшань г-на Сунь Юна званнем «Ганаровы доктар Беларускага дзяржаўнага тэхналагічнага ўніверсітэта», а таксама прайшла цырымонія адкрыцця сумеснага цэнтра тэхналогіі 3D-друку паміж БДТУ і Інстытутам прамысловых тэхналогій г.Куньшань. Тром маладым вучоным БДТУ былі ўручаны запрашэнні на пасаду пасланца па навукова-тэхнічным супрацоўніцтве ў рамках «Адзін пояс, адзін шлях» г.Куньшань з 2023 па 2028 года. Рэктару БДТУ ўручана запрашэнне на пасаду ганаровага саветніка па навукова-тэхнічным супрацоўніцтве ў рамках «Адзін пояс, адзін шлях» г. Куньшань з 2023 па 2028 год. 
Рэктар універсітэта Ігар Войтаў і старшыня Куньшанскага інстытута прамысловых тэхналогій падпісалі Пагадненне аб супрацоўніцтве паміж абедзвюма арганізацыямі. У рамках названага пагаднення прадугледжваецца стварэнне сумеснага беларуска-кітайскага цэнтра трансферу тэхналогій у галіне высокіх тэхналогій, а таксама стварэнне цэнтра 3D-мадэлявання з выкарыстаннем тэхналогій як Беларусі, так і Кітая.
Характарызуючы змест пагадненняў аб супрацоўніцтве, Ігар Войтаў адзначыў дамоўленасці аб тым, што кожны год беларускі бок будзе падбіраць не менш за дзесяць праектаў, якія будуць фінансавацца з боку КНР, для таго, каб развіваць супрацоўніцтва ў сферы, перш за ўсё, высокіх тэхналогій.
«Яны (заўв. кітайская дэлегацыя) прывезлі шмат запытаў тэхналагічных кампаній, таму што ў іх працуе зона высокіх тэхналогій – адкуль і такія вялікія даходы. Шмат прапаноў па супрацоўніцтве з прадпрыемствамі горада Мінска, з універсітэтамі. Мы дамовіліся стварыць сумесны ўніверсітэт «Куньшань-Мінск» на базе БДТУ. Задача – каб студэнты маглі навучацца частку часу ў Кітаі, частку – у нас ва ўніверсітэце і атрымалі два дыпломы»
«Мы дамовіліся аб правядзенні сумесных выстаў. У іх штогод праводзіцца інавацыйны тыдзень высокіх тэхналогій, куды яны запрашаюць кампаніі з усяго свету ў якасці інвестараў – сёння яны запрасілі і беларускіх вытворцаў, каб у Куньшаня была магчымасць пабудаваць аддзяленне нашых кампаній, арганізацый, у тым ліку навукова-тэхнічных цэнтраў. Мы гэта запланавалі і сёння будзем абмяркоўваць на вялікай канферэнцыі ў рамках тых напрамкаў, якія мы вядзем, – гэта кампазітныя матэрыялы, оптыка, напрамкі, звязаныя з электрахіміяй, біялагічнымі тэхналогіямі, лекавымі сродкамі, іх вытворчасцю».
«Мы сёння былі ў Мінскім гарадскім тэхнапарку і дамовіліся, што сумесна з кітайскімі кампаніямі мы створым цэнтр біямедыцыны, які будзе распрацоўваць шэраг тэхналогій – тэсціруючых – і шэраг прэпаратаў, якія накіраваны на лячэнне хвароб як у чалавека, так і ў розных жывёл. Гэта будзе блок, не толькі звязаны з лячэннем хворых людзей у стацыянарах, у клініках, але і з аграпрамысловым комплексам – розныя вакцыны і гэтак далей. Праект цікавы, рэалізацыя пачнецца ў Мінскім гарадскім тэхнапарку, а потым пяройдзе ў вялікі Камень, дзе пабудаваны вялікі завод, які будзе экспартаваць прадукцыю ў розныя краіны», – паведаміў рэктар універсітэта.