10 студзеня Беларускі дзяржаўны тэхналагічны ўніверсітэт наведала дэлегацыя Прафесійнага каледжа сельскагаспадарчых навук і тэхналогій Дэян (КНР) на чале з рэктарам Сун Юнам. Мэтай візіту дэлегацыі стала вывучэнне адукацыйнага патэнцыялу ўніверсітэта, а менавіта падрыхтоўка спецыялістаў па праграмах бакалаўрыяту і магістратуры ў галіне лясной гаспадаркі і інфармацыйных тэхналогій.

Першы прарэктар БДТУ Андрэй Саковіч азнаёміў гасцей з адукацыйнымі праграмамі ўніверсітэта, а таксама магчымымі механізмамі залічэння выпускнікоў названага кітайскага каледжа ў БДТУ. Рэктар БДТУ Ігар Войтаў падкрэсліў важнасць развіцця адукацыйнага супрацоўніцтва з установамі адукацыі Кітайскай Народнай Рэспублікі і адзначыў высокі патэнцыял будучага партнёрства.

Падчас візіту дэлегацыя наведала шэраг навучальных лабараторый і аўдыторый лесагаспадарчага факультэта, факультэта інфармацыйных тэхналогій і факультэта лясной інжынерыі, матэрыялазнаўства і дызайну. Кіраўніцтвам Прафесіянальнага каледжа сельскагаспадарчых навук і тэхналогій Дэян была дадзена высокая ацэнка матэрыяльна-тэхнічнаму абсталяванню лабараторый БДТУ, адзначаны прыкладны характар падрыхтоўкі будучых інжынераў і праграмістаў.

Па выніках візіту быў падпісаны шэраг двухбаковых дакументаў, у тым ліку пагадненне аб падрыхтоўцы спецыялістаў па праграмах бакалаўрыяту і магістратуры.