У Мінску адбылося доўгачаканае адкрыццё новага інтэрната па адрасе вул. Акадэміка Высоцкага, 9, якая мае 221 блок на 1030 месцаў пражывання.

Гэта падзея сабрала мноства гасцей, сярод якіх былі: намеснік прэм'ер-міністра Ігар Петрышэнка, міністр адукацыі Андрэй Іванец і рэктары двух універсітэтаў: Беларускага дзяржаўнага тэхналагічнага ўніверсітэта (БДТУ) Ігар Войтаў і Беларускага нацыянальнага тэхнічнага ўніверсітэта (БНТУ) Сяргей Харытончык.

Як адзначыў рэктар БДТУ Ігар Войтаў у сваім інтэрв'ю, гэта сапраўды важная падзея для нашага ўніверсітэта і для ўсіх студэнтаў. У гэтым інтэрнаце для нашых студэнтаў выдзелена 500 месцаў з 7 па 14 паверхі. Умовы пражывання тут цудоўныя: сучасныя пакоі, зручныя агульныя прасторы і ўсё неабходнае для камфортнага жыцця і вучобы.

Засяленне плануем пачаць з 3 лютага; гэта дазволіць студэнтам падрыхтавацца да новага навучальнага года ў камфортнай абстаноўцы.
Таксама ён сказаў, што крытэрыі адбору, вядома, будуць, але мы пастараемся ўлічыць запатрабаванні ўсіх студэнтаў і максімальна забяспечыць іх месцамі.
Урачыстую цырымонію адкрыў Ігар Петрышэнка, і ў сваім урачыстым слове адзначыў: "Адукацыя ў жыцці кожнага чалавека займае асаблівае месца, таму сфера адукацыі заўсёды знаходзіцца ў цэнтры ўвагі кіраўніка нашай дзяржавы і ўрада. Менавіта таму Прэзідэнт прыняў рашэнне аб развіцці матэрыяльна-тэхнічнай базы ВНУ, мы гэтую задачу выканалі. Сёння адкрываем трэці інтэрнат для Беларускага нацыянальнага тэхнічнага ўніверсітэта і Беларускага дзяржаўнага тэхналагічнага ўніверсітэта", - распавёў ён.

Міністр адукацыі Андрэй Іванец звярнуў увагу на тое, што на сённяшні дзень у нас дастаткова высокая забяспечанасць студэнтаў месцамі ў інтэрнатах па Беларусі; яна складае больш за 90%. Ён таксама падкрэсліў значнасць новага інтэрната для дзяцей, які стане не толькі месцам пражывання, але і важным крокам у развіцці інфраструктуры вышэйшай адукацыі ў Беларусі.

Пасля афіцыйнай часткі і перадачы сімвалічнага ключа ад інтэрната віцэ-прэм'ер разам з міністрам адукацыі Андрэем Іванцом, рэктарам БНТУ Сяргеем Харытончыкам і рэктарам БДТУ Ігарам Войтавым урачыста перарэзалі стужку і прайшлі экскурсію па сучасных памяшканнях інтэрната, дзе былі прадстаўлены ўтульныя пакоі, навучальныя зоны, зала аэробікі, трэнажорная зала, медыцынскі пункт і агульныя прасторы.

Адмысловая ўвага была нададзена зносінам са студэнтамі ў буфеце інтэрната, дзе быў арганізаваны салодкі стол.

Госці змаглі пагутарыць з маладымі людзьмі, даведацца аб іх вучобе, жыцці і планах на будучыню.
У канцы мерапрыемства Ігар Вітальевіч пажадаў усім студэнтам Беларускага дзяржаўнага тэхналагічнага ўніверсітэта паспяховай вучобы і актыўнага жыцця ў новым інтэрнаце, дзе будуць стварацца сяброўскія сувязі і прафесійныя кантакты.