29 чэрвеня 2026 года рэктар Беларускага дзяржаўнага тэхналагічнага ўніверсітэта Сяргей Антонавіч Каспяровіч прыняў удзел у анлайн-канферэнцыі, арганізаванай Дзяржаўнай бюджэтнай адукацыйнай установай вышэйшай адукацыі «Варонежскі дзяржаўны лесатэхнічны ўніверсітэт імя Г. Ф. Марозава» (ВДЛТУ).
У прывітальным слове рэктар БДТУ Сяргей Антановіч падкрэсліў, што такія мерапрыемствы садзейнічаюць абмену ідэямі і пошуку новых напрамкаў для сумеснай работы. Паводле яго слоў, работа канферэнцыі дасць магчымасць абмеркаваць актуальныя выклікі кліматычнага парадку дня, сфарміраваць новыя навуковыя ініцыятывы і закласці аснову для перспектыўных сумесных праектаў, умацаваўшы міжнародныя сувязі. Ён таксама зазначыў, што навуковая дзейнасць універсітэтаў будзе актыўна развівацца дзякуючы міжнароднаму супрацоўніцтву.

Галоўным вынікам канферэнцыі стала падпісанне Пагаднення аб супрацоўніцтве паміж БДТУ і ВДЛТУ. Партнёрскія адносіны дзвюх гістарычна звязаных ВНУ, якія рыхтуюць спецыялістаў для ляснога комплексу, атрымалі афіцыйнае замацаванне.

Цырымонія прайшла ў анлайн-фармаце. Гэты крок не толькі стварае аснову для далейшага развіцця міжуніверсітэцкага супрацоўніцтва, але і сімвалізуе ўмацаванне сувязей паміж Рэспублікай Беларусь і Расійскай Федэрацыяй у галіне адукацыі і навукі. Дакумент адкрывае перад універсітэтамі новыя перспектывы для рэалізацыі сумесных навуковых ініцыятыў і адукацыйных праграм.