1 верасня 2026 года на пляцоўцы перад корпусам №4 у Беларускім дзяржаўным тэхналагічным універсітэце адбылася "Урачыстая цырымонія пасвячэння ў першакурснікі БДТУ". Мерапрыемства аб'яднала прадстаўнікоў усіх факультэтаў універсітэта і было праведзена ў адпаведнасці з традыцыямі ВНУ.
У цырымоніі прынялі ўдзел рэктар БДТУ Сяргей Каспяровіч, прарэктары па напрамках дзейнасці, дэканы факультэтаў, а таксама прадстаўнікі грамадскіх арганізацый універсітэта.
Прывітальныя словы ад імя адміністрацыі ўніверсітэта і ганаровых гасцей былі звернуты да першакурснікаў з акцэнтам на высокую значнасць выбранай прафесійнай траекторыі і ролю кадравага патэнцыялу галіны ў эканамічным развіцці дзяржавы.
З урачыстай прамовай да прысутных звярнуўся рэктар універсітэта Сяргей Каспяровіч. У сваім выступленні ён акцэнтаваў увагу на пераемнасці пакаленняў і прафесійных дасягненнях выпускнікоў БДТУ. Рэктар зазначыў, што перспектывы цяперашняга студэнцтва з'яўляюцца рэальнай праекцыяй на будучыню кадравага складу галіны, а тысячы выпускнікоў універсітэта адбыліся як высокакваліфікаваныя спецыялісты, кіраўнікі і кіраўнікі вышэйшага звяна.
Дадзены шлях адкрыты і для цяперашніх першакурснікаў, і ад іх асабістай уцягнутасці, дысцыпліны і імкнення да ведаў залежыць рэзультатыўнасць падрыхтоўкі спецыялістаў, запатрабаваных эканомікай і сацыяльнай сферай Рэспублікі Беларусь. Рэктар павіншаваў студэнтаў з Днём ведаў і пажадаў дасягнення пастаўленых мэт.
Цэнтральнай падзеяй цырымоніі стала ўрачыстае ўручэнне студэнцкіх білетаў. Студэнцкія былі асабіста ўручаны рэктарам Сяргеем Каспяровічам проста ў рукі прадстаўнікам ад кожнага факультэта.
Ад імя студэнцкай супольнасці першага курса выступіла студэнтка 1-га курса факультэта хімічнай тэхналогіі і тэхнікі Аліна Задора, якая зачытала тэкст Клятвы першакурсніка. Ва ўрачыстай абстаноўцы новапасвечаныя студэнты абавязаліся добрасумленна асвойваць адукацыйныя праграмы, выконваць і шанаваць традыцыі БДТУ, а таксама прыкладаць намаганні для прафесійнага станаўлення на карысць Рэспублікі Беларусь. У слове ў адказ першы прарэктар Андрэй Саковіч пацвердзіў гатоўнасць прафесарска-выкладчыцкага складу ўніаерсітэта забяспечыць высокую якасць адукацыйнага працэсу, аказаць усебаковую падтрымку ў навучанні і садзейнічаць фарміраванню прафесійных кампетэнцый і грамадзянскай пазіцыі ў студэнтаў.
У рамках урачыстай праграмы адбыліся выступленні студэнтаў старэйшых курсаў з вакальнымі нумарамі, а таксама паказальнае выступленне курсантаў ваеннай кафедры ўніверсітэта.
Цырымонія пасвячэння ў студэнты паклала пачатак новаму навучальнаму году для першакурснікаў 2026 года.
Апублікавана: 10.09.2026