26 чэрвеня рэктар Беларускага дзяржаўнага тэхналагічнага ўніверсітэта Сяргей Каспяровіч прымае ўдзел у выніковым Пленарным пасяджэнні XIII Форума рэгіёнаў Беларусі і Расіі.
Маштабная падзея праходзіць у Мінску, у выставачным цэнтры BELEXPO, і сабрала больш за 1000 удзельнікаў: старшынь палат парламентаў, кіраўнікоў рэгіёнаў, міністраў і топ-менеджераў найбуйнейшых карпарацый дзвюх краін.

Як адзначаюць удзельнікі Форума:
«Менавіта на рэгіянальным узроўні нараджаюцца канкрэтныя праекты, ствараюцца сумесныя прадпрыемствы і ўмацоўваюцца гуманітарныя сувязі. Форум рэгіёнаў - унікальная пляцоўка для адкрытага дыялогу, дзе вызначаецца вектар далейшага руху нашых краін».
У рамках дзелавой праграмы Форума прайшлі тэматычныя секцыі па прамысловай кааперацыі, інавацыях і АПК. Сённяшняе Пленарнае пасяджэнне падвядзе вынікі гэтай работы.
Пасля заканчэння пасяджэння плануецца падпісанне шэрага дакументаў аб супрацоўніцтве, якія замацуюць новыя напрамкі сумеснай работы на наступны перыяд.