28 жніўня ў кінатэатры Skyline у рамках сумеснага праекта "Што Калі", арганізаванага Фестывалем навукі і Анлайнерам, адбылася лекцыя члена Савета маладых вучоных, дацэнта кафедры энергазберажэння, гідраўлікі і цеплатэхнікі БДТУ Галіны Сяргееўны Маршалавай на тэму "Атамная энергія: адкрытая".

Падчас лекцый Галіна Сяргееўна разам са слухачамі абмеркавала гісторыю адкрыцця радыеактыўнасці, прааналізавала ўплыў атамнай энергіі на развіццё свету, растлумачыла прынцыпы атрымання энергіі з атама і падзялілася разважаннямі аб перспектывах атамнай энергетыкі.

Слухачы праявілі вялікую цікавасць да тэмы і задалі мноства пытанняў, за кожнае з якіх атрымалі памятныя падарункі ад партнёраў праекта.