20 снежня ў Беларускім дзяржаўным тэхналагічным універсітэце адбыўся Дзень адчыненых дзвярэй - Дзень інжынерных класаў.

Мерапрыемства стала важнай пляцоўкай для знаёмства школьнікаў, бацькоў і педагогаў з універсітэтам, яго адукацыйнымі праграмамі і перспектывамі прафесійнай рэалізацыі.

З уступным словам перад гасцямі - школьнікамі, бацькамі і педагогамі - выступіў рэктар БДТУ Сяргей Каспяровіч. Ён падрабязна расказаў аб напрамках навучальных праграм універсітэта, змяненнях і нюансах уступнай кампаніі 2026 года.

У прыватнасці, было падкрэслена, што для тых, хто паступае на лесагаспадарчы факультэт, асноўным профільным прадметам з'яўляецца матэматыка, а хімія — другім. Гэта набывае асаблівае значэнне для абітурыентаў, якія паступаюць па мэтавых дагаворах: сёлета такія студэнты будуць здаваць унутраны экзамен ва ўніверсітэце - матэматыку, а не хімію.

Таксама перад будучымі студэнтамі выступілі першы прарэктар А.А.Саковіч і дэканы факультэтаў, якія расказалі пра магчымасці навучальных падраздзяленняў, азнаёмілі гасцей з лабараторыямі, спецыялізаванымі аўдыторыямі і правялі майстар-класы.

На мерапрыемстве прысутнічалі прадстаўнікі найбуйнейшых прадпрыемстваў-заказчыкаў кадраў, якія расказалі аб магчымасцях працаўладкавання для будучых выпускнікоў.
На сустрэчы з абітурыентамі прысутнічалі прадстаўнікі наступных прадпрыемстваў:
ААТ «Керамін»
УКХ «Беларуская цэментная кампанія»
ААТ «Краснасельскбудматэрыялы»
ААТ «Радашковіцкі керамічны завод»
ААТ "МТЗ"
ААТ "МАЗ"
ААТ «Амкадор»
РУП "Белмедпрэпараты"
ААТ "Белшына"
ЗАТ "Атлант"
ДЛГУ «Слонімскі лясгас»
ДЛУ «Пружанскі лясгас»
ВУП «ЦБК-Кардон»
РУП «Белдзяржлес»
ААТ "Полацк-шкловалакно"
ААТ "ГроднаАзот"
ААТ «Паліграфкамбінат ім. Я. Коласа»
РУП "Выдавецтва "Беларускі дом друку"

Галоўная задача дня — дапамагчы маладым людзям вызначыцца з профілем навучання і будучай сферай дзейнасці, а таксама азнаёміць іх з рознабаковасцю ўніверсітэта і патрэбамі рынку працы ў маладых спецыялістах.