Напярэдадні новага навучальнага года ў Беларускі дзяржаўны тэхналагічны ўніверсітэт прыбыла група студэнтаў з Прыморскага краю Расійскай Федэрацыі. Рабяты будуць навучацца на лесагаспадарчым і інжынерна-эканамічным факультэтах па такіх спецыяльнасцях,як «Лясная гаспадарка» і «Эканоміка і кіраванне». Пасля заканчэння ўніверсітэта ўсе яны будуць працаваць у арганізацыях ляснога комплексу Прымор'я.

Гэты праект рэалізоўваецца БДТУ сумесна з Урадам Прыморскага краю Расійскай Федэрацыі з 2024 года. Сёння на 2 курсе працягваюць навучанне 18 студэнтаў, яшчэ 20 хлопчыкаў і дзяўчынак пачынаюць навучанне ў бягучым навучальным годзе. Заказчыкам кадраў выступае Міністэрства лясной гаспадаркі і аховы аб'ектаў жывёльнага свету Прыморскага краю, фінансавую падтрымку праекта аказвае Міністэрства прафесійнай адукацыі і занятасці насельніцтва Прымор'я. Высокі ўзровень падрыхтоўкі спецыялістаў для ляснога сектара ў БДТУ і высокая эфектыўнасць дзейнасці лесагаспадарчых арганізацый Рэспублікі Беларусь у свой час прыцягнулі кіраўніцтва Прыморскага краю, што заахвоціла іх прыняць рашэнне рыхтаваць спецыялістаў ляснога сектара менавіта ў нашым універсітэце.

28 жніўня адбыўся сход студэнтаў першага курса лесагаспадарчага факультэта, на якім дэкан факультэта Мікалай Юшкевіч і яго намеснікі Сяргей Кавалеўскі і Павел Тупік падрабязна расказалі студэнтам аб арганізацыі навучальнага працэсу, а таксама грамадскага жыцця факультэта.

Жадаем нашым студэнтам з Прыморскага краю поспехаў у вучобе і яркай будучыні!