Славацкімі шляхамі Янкі Купалы

20 – 27 чэрвеня 2015 г. загадчык кафедры беларускай філалогіі БДТУ дацэнт Трус Мікалай Валянцінавіч прыняў удзел у міжнародным культурна-адукацыйным і выставачным праекце “Славацкімі шляхамі Янкі Купалы”, прысвечаным 80-годдзю візіту ў Славакію першага народнага паэта Беларусі ў складзе дэлегацыі савецкіх пісьменнікаў і журналістаў. Мэта акцыі – знаёмства з адным з найбольш значных эпізодаў у станаўленні беларуска-славацкіх культурных сувязей, узаемная прэзентацыя сучасных беларускай і славацкай культур і літаратур.

З беларускага боку ў праекце ўдзельнічалі Міністэрства культуры Рэспублікі Беларусь, Дзяржаўны літаратурны музей Янкі Купалы, Другі агульнанацыянальны канал (АНТ), Першы нацыянальны канал Беларускага радыё, газеты “Звязда”, “Літаратура і мастацтва”, “СБ Беларусь сегодня”, “Культура”.

Славацкі бок прадстаўлялі Саюз славацкіх пісьменнікаў, газета “Literárny týzdenník”, Літаратурны і музычны музей Дзяржаўнай навуковай бібліятэкі ў Банскай Быстрыцы, Літаратурны фонд Славацкай Рэспублікі.

Праект адбыўся пры падтрымцы Пасольства Рэспублікі Беларусь у Славацкай Рэспубліцы, Пасольства Славацкай Рэспублікі ў Рэспубліцы Беларусь, а таксама Ганаровага консула Рэспублікі Беларусь у Славацкай Рэспубліцы Мар’яна Мурына.

Удзел дацэнта М.В. Труса ў беспрэцэдэнтным міжнародным праекце быў асабліва важным як аўтара манаграфіі “Янка Купала ў Славакіі” і намесніка старшыні Таварыства дружбы “Беларусь – Славакія”.

У ходзе рэалізацыі праекта адбыліся сустрэчы з адміністрацыяй гарадоў, у якіх пабываў Янка Купала, навуковай і творчай інтэлігенцыяй Славакіі.

Беларуская дэлегацыя на плошчы Гвездаслава ў Браціславе.

   Загадчык кафедры беларускай філалогіі   У адным з залаў Прымацыяльнага палаца Браціславы,
Мікалай Трус і віцэ-мэр Браціславы    у якім у 1935 г. віталі дэлегацыю савецкіх
Івета Пшэлкава.   журналістаў і пісьменнікаў.