16 верасня ў БДПУ імя М. Танка адбылася Міжнародная навуковая канферэнцыя пад назвай «Дзясятыя Танкаўскія чытанні (да года культуры ў Беларусі)». Актыўны ўдзел у ёй прынялі супрацоўнікі кафедры рэдакцыйна-выдавецкіх тэхналогій. Даклады нашых былі прызнаныя аднымі з лепшых падчас работы секцый.
Так, кіраўніком секцыі «Нацыянальныя мовы ў гістарычна-культурным аспекце» на канферэнцыі з’яўляўся загадчык нашай кафедры Уладзімір КУЛІКОВІЧ. У сваім выступленні «Састаў і структура слоўніка “Ужыванне і напісанне прыставак / часціц не (ня), ні (ані)”» ён распавёў пра навуковы праект, што выконваецца на кафедры РВТ адносна складання спецыялізаванага слоўніка для рэдакцыйна-выдавецкіх супрацоўнікаў.
На секцыі «Літаратура ў сучаснай мультыкультурнай і інфармацыйнай прасторы» выступілі дацэнт Дзіна ЗЫЛЕВІЧ з дакладам «Аўтарская кніга ў сучаснай беларускай літаратуры» і аспірант кафедры РВТ Яўгенія Лабоха з паведамленнем на тэму «Перакладная мастацкая літаратура ў сучасным літаратурным працэсе Беларусі».
Удзельнікамі студэнцкай секцыі «Праблемы сучаснага літаратуразнаўства і мовазнаўства ў работах маладых даследчыкаў» сталі студэнтка 4 курса факультэта Прынттэхналогій і медыякамунікацый Ксенія ТАРАСЕВІЧ з дакладам «Дызайн вокладак выданняў Максіма Танка», а таксама выпускніца гэтага года спецыяльнасці выдавецкая справа завочнага факультэта Таццяна МАРУНЯК. Тэма яе практыка-арынтаванага даклада была наступнай: «Проблематика духовности человека в духовно-просветительских и богословских трудах архиепискора Аристарха (Станкевича)».
Так трымаць і надалей! Кафедра рэдакцыйна-выдавецкіх тэхналогій — лепшая!
Уладзімір Куліковіч падчас выступлення
Удзельнікі канферэнцыі злевана направа: У. Куліковіч, С. Тарасава (ГрДУ імя Я. Купалы), Д. Дзятко (БДПУ імя М. Танка)
У. Куліковіч і М. Шабовіч (БДПУ імя М. Танка)
