Святкуем разам

10 верасня 2022 года БДТУ прыняў удзел у святкаванні 955-годдзя горада Мінск.

На пляцоўцы ўніверсітэта ў Парку Перамогі выступілі творчыя калектывы. Сярод іх былі вакальны ансамбль выкладчыкаў і супрацоўнікаў “Акавіта” і літаратурны клуб “Ветліца”. Прыгожыя яркія нацыянальныя касцюмы “Акавіты” і выкананне беларускіх народных песень прыцягвалі ўвагу гледачоў. Многія падпявалі, прасілі разам сфатаграфацца. Адважылася падысці група кітайскіх грамадзян, якія пастаялі разам з акавітаўцамі і зрабілі здымкі. Яны былі вельмі радыя і проста шчаслівыя.

Спевы “Акавіты” перамяжалася выступленнем членаў літаратурнага клуба “Ветліца”, якія прачыталі ўласныя творы.

Не прайшоў міма пляцоўкі БДТУ і міністр адукацыі, які ўдзяліў увагу спартыўнаму клубу, і, размаўляючы з загадчыкам кафедры фізкультуры, слухаў нашы вершы і песні.

Нягледзячы на халоднае надвор’е, усе - і гледачы, і выканаўцы - былі вясёлыя, задаволеныя добрай арганізацыяй, прыроднай і створанай прыгажосцю, яркімі фарбамі восені, касцюмаў, стэндаў, прыцягальнымі мелодыямі і шчырымі ўсмешкамі.