ПРАФАРЫЕНТАЦЫЯ І МАЙСТАР-КЛАС ДЛЯ ВУЧНЯЎ І НАСТАЎНІКАЎ ШЧУЧЫНСКАГА РАЁНА АД КАФЕДРЫ РЭДАКЦЫЙНА-ВЫДАВЕЦКІХ ТЭХНАЛОГІЙ

У апошні дзень кастрычніка (31.10.2023) Уладзімір Іванавіч КУЛІКОВІЧ быў запрошаны на раённы семінар настаўнікаў Шчучынскага раёна Гродзенскай вобласці “Актуальныя пытанні падрыхтоўкі вучняў да алімпіяды па беларускай мове і літаратуры”.

Мерапрыемства адбылося ў ДУА “Гімназія г. Шчучына”. На ім прысутнічалі прадстаўнікі ўсіх 16 школ раёна: настаўнікі і іх выхаванцы — старшакласнікі.

За час сустрэчы прысутныя станоўча ацанілі высокі прафесіяналізм нашага лектара-редактара, набылі навыкі працы з мастацкімі тэкстамі і пазнаёміліся з адметнасцямі падрыхтоўкі спецыялістаў у Беларускім дзяржаўным тэхналагічным універсітэце.

Цяпер у кожнай школе Шчучыншчыны маецца буклет пра спецыяльнасці БДТУ, што, безумоўна, будзе спрыяць імкненню вучняў бліжэй пазнаёміцца з нашай alma mater.