“Вечная бітва Дабра са Злом”
24.05.22 (аўторак) у 15.30 у кабінеце літаратурнага клуба (інтэрнат 5, паверх 6) адбылася акцыя: “Чытаем разам!” на тэму “Вечная бітва Дабра са Злом у новым прачытанні Джона Толкіна”, прысвечаная 130-годдзю пісьменніка.
Джон Роналд Роуэл Толкін – англійскі пісьменнік, адзін з заснавальнікаў жанра фэнтэзі – нарадзіўся ў 1892 годзе і скончыў свой зямны шлях у 1973. Ён аўтар бестселлераў “Хоббіт” (1937), працяг – трылогія “Уладары кольцаў” (“Захавальнікі кальца”, “Дзве цвердзі”, “Вяртанне караля”), выдадзеная ў 1954 – 1955 гадах. Апошнюю – пятую кнігу “Сільмарыліён” ужо пасля смерці бацькі выдаў яго сын.
Кнігі Толкіна глыбока ўвайшлі ў кола чытання мільёнаў дарослых і дзяцей, а затым узнік амаль рэлігійны культ, у які чытачы ператварылі кожны напісаны ім радок.
Яго трылогія – гэта фантазійны філасофскі раман аб вечнай бітве і адінстве Дабра і Зла і аб асабістай адказнасці кожнага за зробленае дзеянне. Гэта маральная прытча аб карумпцыйнай сутнасці ўлады, і як яна была звергнута з трона. Ён паказвае, як далёка можа завесці непамернае жаданне Улады, узбагачанае цудамі тэхнічнага прагрэсу (гэта магічная сіла кольцаў), і як можа супрацьстаяць разлагальнай спакусе ўлады просты маленькі чалавек.
Знакаміты вучоны з Оксварда перажыў дзве сустветныя вайны і, зразумеўшы сутнасць падзей і маральныя заганы ўладароў, якія вядуць да знішчэння і войнаў, вельмі ярка і даступна паказаў гэта ў выглядзе казкі, містэрыі, у якой звыш 350 персанажаў і інш.
Кнігі Толкіна актуальныя ў наш жорсткі час, калі ўсё тыя ж маральныя заганы ўладароў вядуць да новых войнаў, здрады, забойства, фізічнага вынішчэння мільёнаў людзей.
У клубе сабраліся звыш 20-ці студэнтаў факультэта ХТіТ з розных курсаў , прысутнічала педагог-арганізатар Светагор К.А.
Многія з прысутных былі крыху знаёмыя з творчасцю Толкіна – чыталі асобныя кнігі, глядзелі фільмы, але поўнай карціны пра жыццё і творчасць пісьменніка не мелі.
Студэнты чыталі асобныя фрагменты твораў Толкіна, удасканальваючы навыкі чытання на аўдыторыю і атрымліваючы культуралагічныя звесткі. У заключэнне была прапанавана віктарына, адбыўся дыялог аб творчасці пісьменніка.
Кіраўнік літаратурнага клуба Н.Я.Савіцкая