Літаратурны клуб “Ветліца” на XXXII Міжнароднай кніжнай выставе.

13.03.2025 г. літаратурны клуб “Ветліца” быў запрошаны на выставу Нацыянальным цэнтрам творчасці дзяцей і моладзі для выступлення. Прадстаўнікі клуба Лебядзько Міхаіл (4 ЛГФ), Цяліца Ганна (3 ФІТ), Клімава Наталля (1 ІЭФ), Лобач Кацярына (ФЗА) выступілі на пляцоўцы Цэнтра разам з клубам БДЭУ (2 студэнты), адказалі на пытанні журналістаў розных СМІ, паўдзельнічалі ў віктарынах, атрымалі прызы за выступленні. Асаблівую ўвагу прыцягнула Інтэрактыўная прастора “Беларусь. Гісторыя Перамогі”. Вядучыя ў ваеннай форме расказалі шмат цікавага пра ваенныя дзеянні на Гомельшчыне. А нашы студэнты прачыталі вершы, Лебядзько Міхаіл напісаў свой верш на лістку, які потым склаў у пісьмо-трохвугольнік. Паслухалі выступленні пісьменнікаў, пазнаёміліся з экспанатамі выставы. Літаратурны клуб на выставу прадставіў альманах AVE, No 11, 2024 г. і 13 камп’ютарных зборнікаў вершаў студэнтаў.