Белорусский государственный
технологический университет
Belarusian State Technological University
Факультеты
ОИВР
Наука
Факультеты Абитуриентам ОИВР Партнёрам Библиотека Одно окно Инженерные классы
Наука
Удзел у Міжнародным кангрэсе

21–22 кастрычніка 2015 г. у Нацыянальнай бібліятэцы Беларусі адбыўся ІІІ Міжнародны кангрэс «Бібліятэка як феномен культуры». Сёлета ён быў прысвечаны чытанню і інфармацыйнай культуры ў сучасным грамадстве. Вынікі перадавых даследчых прац па бібліятэказнаўстве і кнігазнаўстве былі абмеркаваны на 6 секцыях, акрамя таго на працягу двух дзён праводзіліся прэзентацыі дзейнасці інфармацыйных, культурных, паліграфічных і выдавецкіх цэнтраў (у тым ліку замежных), выставы, шматлікія семінары, круглыя сталы і майстар-класы. На пленарным паседжанні кангрэса таксама адбылася цырымонія ўручэння ўзнагарод удзельнікам I Рэспубліканскага конкурса «Библиотека — центр духовно-нравственного просвещения и воспитания». Усяго ў кангрэсе прыняла ўдзел каля 500 чалавек: навукоўцаў, супрацоўнікаў ВНУ і бібліятэк, выдаўцоў і кнігагандлёвых арганізацый, вытворцаў і пастаўшчыкоў інфармацыйных рэсурсаў і праграмнага забеспячэння з Беларусі, Расіі, Украіны, Літвы, Азербайджана, Польшчы, Германіі, Вялікабрытаніі, Францыі і ЗША.

Як адзначылі арганізатары, прадстаўнікі Беларускага дзяржаўнага тэхналагічнага ўніверсітэта — частыя і жаданыя госці мерапрыемстваў, якія ладзіць Нацыянальная бібліятэка Беларусі. Не стаў выключэннем і III Міжнародны кангрэс. 22 кастрычніка на секцыі «Книжное наследие: проблемы выявления, сохранения и исследования» былі прадстаўлены даклады супрацоўнікаў БДТУ: «Бумага vs Цифра: библиофильский подход» (аўтар Радкевіч А. Г., дацэнт кафедры аўтаматызацыі вытворчых працэсаў і электратэхнікі факультэта хімічнай тэхналогіі і тэхнікі, кандыдат тэхнічных навук) і «Знешнія і ўнутраныя элементы кнігі як аб’ект вывучэння і сродак рэкламавання выдання» (Куліковіч У. І., загадчык кафедры рэдакцыйна-выдавецкіх тэхналогій факультэта выдавецкай справы і паліграфіі, кандыдат філалагічных навук, дацэнт; Тарасевіч К. Т., студэнтка 3 курса факультэта выдавецкай справы і паліграфіі, спецыяльнасць «Выдавецкая справа»). Прэзентацыя другога даклада выклікала вялікую зацікаўленасць сярод спецыялістаў, паколькі ў сучасных умовах развіцця кнігавыдання ў Рэспубліцы Беларусь, якія характарызуюцца высокай канкурэнцыяй паміж рознымі тыпамі арганізацый (буйнымі холдынгамі і малымі выдавецтвамі), а таксама зніжэннем чытацкай зацікаўленасці ў айчыннай кнізе, надзвычай актуальна гучаць пытанні паспяховага прасоўвання беларускамоўнай мастацкай кнігі. Вырашэнню гэтай задачы можа спрыяць поўнае раскрыццё рэкламнага патэнцыялу знешніх і ўнутраных элементаў кнігі як самастойных інфармацыйных складнікаў.

Вынікам правядзення III Міжнароднага кангрэса «Библиотека как феномен культуры» стала ўмацаванне навуковых і культурных сувязяў паміж айчыннымі і замежнымі прадстаўнікамі бібліятэчнай, кнігазнаўчай і выдавецкай галін. Таксама была абмеркавана магчымасць супрацоўніцтва Нацыянальнай бібліятэкі Беларусі і факультэта выдавецкай справы і паліграфіі Беларускага дзяржаўнага тэхналагічнага ўніверсітэта.


Удзельнікі кангрэса
Злева направа: Суша А. А., намеснік дырэктара па навуковай рабоце і выдавецкай дзейнасці Нацыянальнай бібліятэкі Беларусі, кандыдат культуралогіі; Тарасевіч К. Т., Куліковіч У. І.


Опубликовано: 23.10.2015
Больше по рубрике
В БГТУ прошли курсы повышения квалификации профессорско-преподавательского состава
26.04.2025
Магистратура БГТУ приглашает на обучение на платной основе
22.04.2025
Библиотека БГТУ присоединилась к международной инициативе RSCVD
10.04.2025
БГТУ на Ярмарке целевой подготовки в г. Витебске
19.03.2025
Стань студентом ИЭФ на 1 день
19.03.2025
О проведении совещания по вопросам подготовки кадров для предприятий Министерства промышленности
07.02.2025
приглашение на учебу в магистратуре БГТУ
27.01.2025
КАФЕДРА РЭДАКЦЫЙНА-ВЫДАВЕЦКІХ ТЭХНАЛОГІЙ У ВІЦЕБСКАЙ ВОБЛАСЦІ: АЛІМПІЯДА, МАЙСТАР-КЛАСЫ, ПРАФАРЫЕНТАЦЫЯ
20.01.2025
От лекций до практики: два месяца обучения будущих издателей в «Аверсэв»
18.12.2024
Профориентация для учащихся г. Солигорска
02.12.2024