Кафедра рэдакцыйна-выдавецкіх тэхналогій нашага ўніверсітэта мае цесныя творчыя стасункі не толькі з выдавецтвамі, медыяхолдынгамі, тыпаграфіямі, але ў іншымі ўстановамі адукацыі. Адной з такіх устаноў з'яўляецца Мінскі дзяржаўны палац дзяцей і моладзі. Менавіта там 20 і 21 студзеня 2019 года аддзелам інтэлектуальнай творчасці ў рамках ХХХVIII гарадской канферэнцыі навучэнцаў быў арганізаваны конкурс даследчых работ.
![](/usdata/news/daaf446e-3879-40ce-8eed-a12405bab37e/VM1_6005.jpg)
![](/usdata/news/daaf446e-3879-40ce-8eed-a12405bab37e/VM1_5955.jpg)
![](/usdata/news/daaf446e-3879-40ce-8eed-a12405bab37e/VM1_6005.jpg)
Для правядзення конкурсу і ацэнкі вучнёўскіх работ мінчан у секцыі "Лінгвістыка" (па вучэбным прадмеце "Беларуская мова") быў запрошаны вядомы ў рэспубліцы даследчык, метадыст, навуковец Уладзімір Куліковіч - загадчык кафедры РВТ.
- Удзел у такім мерапрыемстве Уладзіміра Іванавіча - вялікі гонар для нас! - з захапленнем расказалі нашым карэспандэнтам арганізатары конкурсу. - Гэта не першая наша сумесная праца. Прысутнасць такой асобы - гэта гарант аб'ектыўнасці і высокага прафесіяналізму, паказчык увагі і павагі з боку навукоўцаў тэхналагічнага ўніверсітэта да агульнаадукацыйных устаноў.
Сам жа загадчык кафедры патлумачыў, што з цікавасцю і захапленнем (пры наяўнасці вольнай хвіліны) прымае удзел у падобных імпрэзах, паколькі яны дазваляюць адчуць рытм жыцця сучаснай школы, узровень патэнцыйных абітурыентаў, падтрымліваюць творчы запал і натхненне.
Сам жа загадчык кафедры патлумачыў, што з цікавасцю і захапленнем (пры наяўнасці вольнай хвіліны) прымае удзел у падобных імпрэзах, паколькі яны дазваляюць адчуць рытм жыцця сучаснай школы, узровень патэнцыйных абітурыентаў, падтрымліваюць творчы запал і натхненне.
![](/usdata/news/daaf446e-3879-40ce-8eed-a12405bab37e/VM1_5963.jpg)
Кацярына Шчыгельская
На фота. Імгненні конкурсу
Опубликовано: 24.01.2019