23 лютага 2021 года на кафедры беларускай філалогіі праведзена студэнцкая навуковая канферэнцыя “Першыя крокі ў навуку з роднай мовай”, прысвечанай Міжнароднаму дню роднай мовы. Падчас канферэнцыі з дакладамі выступілі:
1. Талібаў Мухамадзій, студэнт 5 групы 3 курса факультэта ЛІД, які расказаў аб рознаўзроўневых падабенствах і адрозненнях рускай і роднай для яго ўзбекскай моў.
2. Андрасюк Ксенія, студэнтка 3 групы 1 курса факультэта ТАР, якая паведаміла аб выніках уласнага даследавання асаблівасцей маўлення аднагодкаў у сацыяльных сетках інтэрнэта.
3. Назарчук Ксенія, студэнтка 1 групы 1 курса ІЭФ, якая расказала аб жыцці і творчасці сваёй любімай паэтэсы Яўгеніі Янішчыц і прачытала ўласны верш “Маладое пакаленне”.
4. Пазняк Анастасія, студэнтка 7 групы 1 курса ФІТ, якая расказала аб графічных сістэмах (лацінцы, кірыліцы і кітабах) у гісторыі развіцця беларускай мовы.
5. Цай Ангеліна, студэнтка 1 групы 1 курса ІЭФ, якая паведаміла аб выніках уласнага даследавання эргонімаў з каларатыўным кампанентам у горадзе Мінску.