З 13 па 16 студзеня ў Беларусі прайшоў ІІІ (абласны) этап рэспубліканскай алімпіяды школьнікаў па вучэбных прадметах. У якасці старшыні журы алімпіяды Віцебскай вобласці па вучэбных прадметах “Беларуская мова” і “Беларуская літаратура” быў запрошаны дацэнт кафедры РВТ Уладзімір КУЛІКОВІЧ.
Спаборніцтва таленавітых дзяцей Віцебшчыны праходзіла ў слаўным горадзе Оршы на базе УА “Аршанскі дзяржаўны політэхнічны каледж”. У ім прынялі ўдзел больш за 70 юнакоў і дзяўчат Віцебшчыны, з іх 26 адзінаццацікласнікаў – лепшых выпускнікоў рэгіёну.
Падчас мерапрыемства Уладзімір Іванавіч правёў прафарыентацыйныя гутаркі з вучнямі, настаўнікамі і бацькамі, майстар-клас для настаўнікаў, дзе падрабязна спыніўся на аналізе заданняў 2025 года і даў парады педагогам, як лепш падрыхтаваць вучня да заключнага этапу рэспубліканскага конкурсу.
А на заканчэнне – усмешкі і падзякі ўдзячных слухачоў, незлічоныя фотаздымкі на памяць пра сустрэчу з нашым вядомым калегам.
С. Хваленя, аспірантка кафедры РВТ
