У апошнія дні зімы 26 лютага 2025 г. у Бібліятэцы імя І. Х. Каладзеева, што ў Барысаве, адбылося прафарыентацыйнае навукова-пазнавальнае мерапрыемства “Лінгвістычныя конкурсы як элементы павышэння прафесіяналізму настаўніка і папулярызацыі беларускай мовы”.
Яе спікерам стаў дацэнт кафедры рэдакцыйна-выдавецкіх тэхналогій БДТУ, галоўны рэдактар серыі 4 “Прынт- медыятэхналогіі” навуковага часопіса “Труды БГТУ”, дактарант кафедры беларускага мовазнаўства БДУ Уладзімір Іванавіч КУЛІКОВІЧ.
Удзячныя слухачы, а гэта былі настаўнікі і навучэнцы УА “Барысаўскі дзяржаўны каледж” пазнаёміліся са спецыяльнасцямі Беларускага дзяржаўнага тэхналагічнага ўніверсітэта, змаглі атрымаць кваліфікаваную кансультацыю адносна падрыхтоўкі і размеркавання маладых спецыялістаў.
Акрамя гэтага ўдзельнікі паразважалі над пытаннямі “Што такое крызіс чытання”, “Ці ёсць ён сёння сярод моладзі”, паўдзельнічалі ў конкурсе на самага кемлівага знаўцу беларускага маўлення.
Супрацоўнікі Барысаўскай бібліятэкі даведаліся пра выдавецкую дзейнасць БДТУ, змест часопісаў, якія выходзяць у нашым універсітэце.
Аспірант кафедры РВТ Святлана Хваленя
