З ЮБІЛЕЕМ!

4 верасня 2016 г. спаўняецца 70 гадоў дацэнту кафедры беларускай філалогіі, выдатніку народнай адукацыі БССР, заслужанаму работніку народнай адукацыі БССР Кузьміч Вользе Аляксандраўне.

Вольга Аляксандраўна працуе ў БДТУ з 1996 года. За два дзесяцігоддзі плённай педагагічнай дзейнасці ва ўніверсітэце спачатку на пасадзе загадчыка кафедры беларускай мовы, пасля – дацэнта кафедры беларускай філалогіі В.А. Кузьміч зрабіла вялікі ўклад у развіццё вучэбна-выхаваўчага працэсу ўніверсітэта.

Непасрэдна пад кіраўніцтвам Вольгі Аляксандраўны і з яе ўдзелам на пастаяннай аснове праводзіцца значная метадычная, ідэалагічная і ідэйна-выхаваўчая праца ў БДТУ і за яго межамі. Вольга Аляксандраўна штогод арганізуе ўдзел навучэнцаў у шматлікіх універсітэцкіх, рэспубліканскіх і міжнародных конкурсах, па выніках якіх студэнты, магістранты і аспіранты рэгулярна атрымліваюць высокія катэгорыі, граматы і дыпломы. Cтудэнты і аспіранты, навуковай работай якіх кіравала Вольга Аляксандраўна, станавіліся лаўрэатамі Спецыяльнага Фонду Прэзідэнта Рэспублікі Беларусь па сацыяльнай падтрымцы адоранай моладзі; некалькі чалавек былі удастоены звання лаўрэата прэміі Мінгарвыканкама і Ганаровых грамат краін СНД і Украінскай акадэміі друкарства. За асабісты ўклад у распрацоўку праекта выставы “Маральна-прававое і сямейнае выхаванне, прафілактыка проціпраўных паводзін дзяцей і навучэнскай моладзі” В.А. Кузьміч узнагароджана Дыпломам Міністэрства адукацыі Рэспублікі Беларусь.

Адміністрацыя ўніверсітэта, калектыў кафедры беларускай філалогіі, супрацоўнікі дэканата факультэта прынттэхналогій і медыякамунікацый сардэчна віншуюць Вольгу Аляксандраўну Кузьміч з юбілеем.

Опубликовано: 04.09.2016

Больше по рубрике