17 кастрычніка будучыя выдаўцы, а на дадзены момант студэнты 3-га курса спецыяльнасці «Выдавецкая справа», наведалі прымеркаваную да 500-годдзя беларускага кнігадрукавання выставу, якая была прадстаўлена ў Нацыянальным мастацкім музеі Рэспублікі Беларусь. Яе афіцыйная назва: «З кніжнай скарбніцы. Выданні друкарняў Беларусі XVI — першай паловы XIX стагоддзя ў зборы Нацыянальнага мастацкага музея Рэспублікі Беларусь».
На выставе прадстаўлена дзесяць выданняў беларускіх друкарняў з калекцыі музея, якія ўключаюць 192 адзінкі захоўвання. Большасць кніг калекцыі богаслужэбнага і рэлігійна-маральнага зместу. Сярод іх праваслаўныя і ўніяцкія выданні, кнігі, прызначаныя для старавераў.
Найбольш раннім экспанатам з’яўляецца Евангелле 1600 г. з найбуйнейшага цэнтра беларускага кнігадрукавання апошняй чвэрці XVI — першых дзесяцігоддзяў XVII стагоддзя — друкарні братоў Мамонічаў у Вільні.
Яго «вярнуў да жыцця» майстар-рэстаўратар Андрэй Крапіўка. Працэс рэстаўрацыі адлюстраваны ў прадстаўленых на выставе фотаматэрыялах.
На выставе можна было ўбачыць і вокладку Евангелля XIX стагоддзя. Менавіта ў ёй трапіла Евангелле 1600 г. ў мастацкі музей (металічнымі накладкамі кнігі не афармлялі да XIX стагоддзя). Евангелле было пераплецена ў 1942 г., і пераплётчык прыстасаваў іншую вокладку. Разам з вокладкай экспануецца і старонка з запісам аб тым, што працу выканаў Зямчонак Ягор Пракопавіч ў вёсцы Поснуды на Браслаўшчыне. Гэты ліст быў укладзены ў Евангелле.
Даволі рэдкім з’яўляецца экспануемае на выставе выданне «Акафісты ўсесядмічныя». Яно надрукавана ў 1698 г. Максімам Вашчанкам у магілёўскай Брацкай друкарні, са станаў якой у канцы XVII — сярэдзіне XVIII стагоддзя выйшла больш за 40 выданняў. Вобразна-пластычнае рашэнне звыш дзясятка ксілаграфій гэтай кнігі яскрава адлюстроўвае асаблівасці магілёўскай школы гравюры.
Прадукцыю вядомай друкарні Вялікага Княства Літоўскага — Віленскага Троіцкага манастыра — на другім этапе яе дзейнасці (з 1760 па 1839 г.) прадстаўляе прызначаны для старавераў Канонік 1794 г. У афармленні музейнага экзэмпляра прасочваецца выкарыстанне традыцыйных графічных элементаў маскоўскіх даніканаўскіх кніг.
Выдавецкую дзейнасць друкарні, якая на працягу 1692/93–1803 гг. дзейнічала ў Супрасльскім манастыры, прадстаўляе Evangelia in festis (Евангелле на святы), надрукаванае на лацінскай мове ў 1765 г.
На выставе экспануецца таксама адно з выданняў друкарні полацкіх піяраў — Missale Romanum (каталіцкая кніга для набажэнстваў) 1825 года.
Прадукцыю віленскай дыяцэзіяльнай друкарні, якая функцыянавала ў 1775–1842 гг., прадстаўляе «Сакральная герменеўтыка» (1830 г.) у двух тамах.
Усе экспанаты дазваляюць дакрануцца да мінулага і нашай спадчыны. Кніга — гэта цэлая гісторыя, не толькі з-за яе зместу, але і жыццёвага шляху, які яна прайшла перад тым, як трапіць да нас.
Але сама выстава крыху расчаравала: для такой вялікай падзеі як 500-годдзе беларускага кнігадрукаванная, экспазіцыя з дзесяццю экспанатамі — гэта неяк зусім сціпла і неадпавядальна значнасці падзеі. Маем надзею, што ў будучыні мастацкі музей зробіць вялікую разгорнутую выставу, дзе будзе прадстаўлена яшчэ больш цікавых і неверагодна прыгожых кніг.
Матэрыял падрыхтавала Моргун Паліна
Фотаздымкі: Моргун Паліна і Капусціна Ксенія
Опубликовано: 19.10.2017
Больше по рубрике
Приглашаем принять участие в выставке творческих работ «Малая родина глазами детей»
20.06.2018
«Непобедимых соперников не бывает»: студент БГТУ привез бронзу с чемпионата мира по ирландским танцам
08.06.2018
Дни кино Татарстана
05.06.2018
Май подарил новые знания, новые впечатления, новых друзей
30.05.2018
Участие творческих коллективов БГТУ в гала-концерте республиканского фестиваля"АРТ-вакацыi"
28.05.2018
Иностранные учащиеся БГТУ вместе с преподавателями кафедры белорусской филологии приняли участие в пресс-конференции «О подготовке и проведении XII Республиканского фестиваля национальных кул
25.05.2018
Ботанический сад – оазис города Минска
24.05.2018
Народный студенческий театр БГТУ «Колокол» - финалист республиканского межвузовского фестиваля «АРТ-Вакацыі»
23.05.2018
Мир цвета: выставка художественных работ Алены Бурак и ее учеников
23.05.2018
Літаратурна-паэтычны конкурс студэнтаў БДТУ
22.05.2018