Студэнцкая навукова-практычная канферэнцыя, прысвечаная 125-годдзю з дня нараджэння М. Багдановіча

Жывеш не вечна, чалавек, —
Перажыві ж у момент век!

Каб хвалявалася жыццё,
Каб больш разгону ў ім было,
Каб цераз край душы чуццё
Не раз, не два пайшло!

Жыві і цэльнасці шукай,
Аб шыраце духоўнай дбай.

М. Багдановіч

15 снежня кафедра беларускай філалогіі (в.а. загадчыка Русак В.У.) правяла студэнцкую навукова-практычную канферэнцыю культурна-асветніцкага характару "Жывеш не вечна, чалавек, — перажыві ж у момант век!", прысвечаную 125-годдзю з дня нараджэння Максіма Багдановіча. Для дадзенага мерапрыемства бібліятэка БДТУ (дырэктар Знайдзюк С.Б.) арганізавала выставу кніг.

У канферэнцыі прынялі ўдзел 20 студэнтаў, большасць з якіх склалі студэнты 2-га курса факультэта ПіМ.

Удзельнікі гуртка "Спадчына" пад кіраўніцтвам дацэнта, к. філ. н. Федарцовай Т.М. прадставілі свае працы, прысвечаныя жыццю і творчасці паэта. У дакладах студэнтаў былі закрануты тэмы кахання ў паэзіі М. Багдановіча, вобразы флоры, асаблівасці трыялета і інш.