22 кастрычніка 2025 г. адбылася адкрытая лекцыя па дысцыпліне “Гісторыя беларускай дзяржаўнасці” на тэму: “Сучасныя дасягненні беларускай культуры”. Лектарамі сталі вядомыя творчыя асобы і грамадскія дзеячы: народны артыст Беларусі, кампазітар і музыкант Эдуард Сямёнавіч Ханок і старшыня Мінскага гарадскога аддзялення Саюза пісьменнікаў Беларусі, паэт Міхаіл Паўлавіч Пазнякоў. Заслужаныя дзеячы культуры на прыкладзе сваёй творчасці пераканаўча прадэманстравалі агульныя тэндэнцыі развіцця сучаснай беларускай музыкі і літаратуры.

 

У сваім выступленні Міхаіл Паўлавіч Пазнякоў асвяціў асноўныя кірункі дзейнасці Саюза пісьменнікаў Беларусі, распавёў пра значэнне грамадскага аб’яднання ў палітычным жыцці сучаснай Беларусі. Вядомы беларускі паэт для студэнтаў БДТУ прачытаў новыя вершы і падараваў свае кнігі ў калекцыю бібліятэкі. Шчырую падзяку за каштоўныя выданні выказала дырэктар бібліятэкі ўніверсітэта Вольга Альбертаўна Паўлавец.

Выступленне Эдуарда Сямёнавіча Ханка ўразіла сваёй шчырасцю і эмацыйнасцю, бо адбыўся музычны дыялог кампазітара і студэнтаў. Разам з маэстра студэнцкая аўдыторыя выканала папулярныя кампазіцыі Эдуарда Сямёнавіча.

 

Словы ўдзячнасці за творчыя выступленні выказаў прарэктар па ідэалагічнай і выхаваўчай рабоце БДТУ Дзмітрый Уладзіміравіч Гапанюк.

Адкрытая лекцыя для студэнтаў першага курса сфарміравала дакладнае ўяўленне пра адметныя працэсы ў сучасным беларускім музычным мастацтве і  літаратурным жыцці, а выступленні творчых асоб пакінулі выключна пазітыўны настрой.