13 мая 2025 г. адбылася літаратурна-музычная вечарына Вольгі Уладзіміраўны Коваль для студэнтаў Беларускага дзяржаўнага эканамічнага ўніверсітэта. Выступоўцамі і ўдзельнікамі мерапрыемства сталі таксама студэнты 1 курса факультэта інфармацыйных тэхналогій БДТУ, якіх аб’яднаў творчы праект “Клуб крэатыўнасці”. Літаратурную сустрэчу для студэнтаў вядучых навучальных устаноў краіны арганізавала грамадскае аб’яднанне “Саюз пісьменнікаў Беларусі”. На вечарыне прагучалі вершы Вольгі Уладзіміраўны Коваль са зборніка паэзіі “Беларускі блюз” пад акампанемент маладых музыкантаў. Удзельнікі “Клуба крэатыўнасці” БДТУ стварылі сугучча паэтычных вобразаў і гітарных акордаў, аб’ядналі мелодыі цымбалаў і беларускамоўныя вершы. Студэнцкая літаратурна-музычная вечарына стварыла адметны творчы настрой для новых ідэй і крэатыўных пошукаў у аматараў сучаснай беларускай паэзіі.
материал и фото Ольги Коваль
