Акцыя “Чытаем
разам!”, прысвечаная дню нараджэння
Максіма Багдановіча (9 снежня 1891
- 25 мая 1917)
“Нязгасная зорка беларускай
зямлі”
(працяг)
12 снежня 2018 года, пачатак у
19.30,
актавая зала інтэрната №4
Увечары 12 снежня ў актавай зале інтэрната №4 у новым фармаце – Лірычныя вечарыны ў Тэхналагічным - адбыўся працяг акцыі “Чытаем разам!”, прысвечанай жыццю і дзейнасці нязгаснай зоркі беларускай паэзіі Максіма Багдановіча.
Удзельнікаў і слухачоў імпрэзы сустракалі мелодыі беларускіх песень, напісаных на вершы Максіма Багдановіча, народных песень і сусветнавядомыя сучасныя хіты, якія цудоўна выконвалі на піяніна Дашкевіч Святлана і Адамская Лілія.
Прагучалі вершы Максіма Багдановіча, цікавыя звесткі з жыцця паэта, якія прысутныя (звыш 60 студэнтаў і выхавальнікі інтэрната) прымалі вельмі засяроджана і з цікавасцю. Асаблівую цікавасць выклікала выступленне турэцкіх навучэнцаў, якія чыталі вершы паэта на беларускай, рускай і турэцкай мовах. Пераклад на турэцкую зрабіў Чэцін Альперэн – малады таленавіты турэцкі паэт, таксама навучэнец нашага ўніверсітэта.
Пасля ўсе прысутныя праспявалі “Зорку Венеру” і “Купалінку”, а ганаровы госць літаратурнага клуба “Ветліца” – Чорная Наталля Віктараўна падзялілася сваімі ўражаннямі ад сустрэчы, пажадала часцей сутракацца, паколькі адбываецца ўзбагачэнне кожнага прысутнага на эмацыянальным, маральным, эстэтычным і ментальным узроўнях, мацаванне нацыянальнай свядомасці раз высокія ідэалы беларускай паэзіі і музыкі.
