Удзельнікі канферэнцыі — навукоўцы з БДТУ, НДІ фізіка-хімічных праблем БДУ, ДНУ «Інстытут прыродакарыстання НАН Беларусі», ДНУ «Інстытут прыродакарыстання НАН Беларусі» , МДЭУ ім. А.Д. Сахарава, Рэспубліканскага гідраметэаралагічнага цэнтра, БДУ, Рэспубліканскага цэнтра радыяцыйнага кантролю і маніторынгу навакольнага асяроддзя, ЦНДІКВВР — сабраліся ў нашым універсітэце, каб падзяліцца вынікамі сваіх навуковых даследаванняў і вопытам практычнай рэалізацыі распрацовак у галіне аховы навакольнага асяроддзя.

42 даклада навуковых і навукова-даследчых арганізацый, выкананых вучонымі Беларусі і Казахстана сталі аб’ектам непадробнай цікавасці ўсіх удзельнікаў канферэнцыі. Пры абмеркаванні работ асоблівая ўвага надавалася закончанасці праведзеных навуковых даследаванняў і ступені выкарыстання атрыманых вынікаў на практыцы.

Падчас канферэнцыі быў праведзены семінар «Падрыхтоўка спецыялістаў у галіне аховы навакольнага асяроддзя», на якім абмяркоўваліся пытанні ўзаемадзеяння ўніверсітэтаў і прадпрыемстваў- працадаўцаў, змест вучэбных планаў, у тым ліку і тых , што былі распрацаваны ў рамках праекта па праграме Тэмпус.

Опубликовано: 28.10.2013