Кафедра рэдакцыйна-выдавецкіх тэхналогій на працягу апошніх пяці год плённа супрацоўнічае з Белтэлерадыёкампаніяй — адным з самых магутных медыяхолдынгаў нашай краіны. Сутнасць гэтага супрацоўніцтва ў наступным: асобныя студэнты факультэта выдавецкай справы і паліграфіі праходзяць на тэлеканалах кампаніі сваю вытворчую або пераддыпломную практыку, выкладчыкі кафедры чытаюць лекцыі і праводзяць практычныя заняткі на курсах павышэння кваліфікацыі рэдактараў, журналістаў Белтэлерадыёкампаніі.