Выяздны занятак на ААТ «Паліграфкамбінат ім. Я. Коласа»

У сакавіку студэнты 4 курса 1 групы спецыяльнасці «Тэхналогія паліграфічных вытворчасцей» разам з дацэнтам Сiпайла С. У. наведалі ААТ «Паліграфкамбінат ім. Я. Коласа» — адно з буйнейшых паліграфічных прадпрыемстваў нашай краіны. На прадпрыемстве прайшоў выяздны занятак па дысцыпліне «Тэхналогія друкарскiх працэсаў».
Студэнты вывучылі працэсы плоскага афсетнага друку на ліставых і рулонных машынах. Акрамя традыцыйнай друкарскай тэхнікі, будучыя інжынеры азнаёміліся з работай аўтаматызаваных друкарскiх машын KBA Rapida, аснашчаных кампутарнай сістэмай кантролю і кіравання працэсам друку. Таксама студэнты наведалі формнае падраздзяленне, дзе вывучылі лічбавыя тэхналогіі вырабу друкарскiх формаў CtP і CtCP.