У канцы студзеня на кафедры паліграфічных вытворчасцей адбылася абарона дыпломных праектаў студэнтаў дзённай і завочнай форм навучання. Праекты выконваліся на базе паліграфічных прадпрыемстваў Рэспублікі Беларусь розных форм уласнасці. У праектах вырашаліся разнастайныя задачы па павышэнню эфектыўнасці работы прадпрыемстваў шляхам удасканалення дзеючай тэхналогіі паліграфічнай вытворчасці альбо ўкаранення новых для прадпрыемства тэхналагічных працэсаў. Дзяржаўную экзаменацыйную камісію ўзначальваў Арыхоўскi Юрый Дзмітрыевіч – намеснік генеральнага дырэктара па вытворчасці і ідэалагічнай рабоце РУП «Выдавецтва "Беларускі Дом друку"». Па кожным дыпломны праекце члены камісіі задавалі шэраг пытанняў, дэманструючы зацікаўленасць і дапамагаючы дыпломнікам лепш раскрыць сутнасць прапанаваных тэхніка-тэхналагічных рашэнняў. Для больш нагляднага выкладання інфармацыі пры дакладзе ў шэрагу выпадкаў выкарыстоўваліся кампутарныя прэзентацыі.