У пятніцу 19 красавіка адбылося пасяджэнне падсекцыі «Тэхналогія паліграфічных вытворчасцей» 70-й Навукова-тэхнічнай канферэнцыі студэнтаў і магістрантаў БДТУ. Студэнты і магістранты кафедры прадставілі 23 даклады. Навуковыя працы тычыліся усіх абласцей паліграфічнай вытворчасці. У гэтым годзе з'явіўся новы навуковы напрамак, якi прыцягнуў увагу студэнтаў – экалагічныя праблемы, ахова навакольнага асяроддзя, утылізацыя ўпакоўкі, збор і другасная перапрацоўка упакоўкі. Асноўная частка дакладаў традыцыйна была прысвечана павышэнню якасці дадрукарскiх працэсаў, вырабе друкаванай і упаковачнай прадукцыі. Асаблівую цікавасць выклікалі работы, дзе праводзіліся рэальныя даследаванні паліграфічных матэрыялаў, ставіліся вытворчыя эксперыменты.

У працы канферэнцыі прынялі ўдзел студэнты спецыяльнасцяў «Тэхналогія паліграфічных вытворчасцей», «Выдавецкая справа», «Паліграфічнае абсталяванне і сістэмы апрацоўкі інфармацыі», «Дызайн электронных і Вэб-выданняў». Усе дакладчыкі прадэманстравалі добры ўзровень падрыхтоўкі, упэўнена і цікава прадстаўлялі вынікі сваіх даследаванняў. Найбольш высокі ўзровень прадэманстравалі самыя дасведчаныя ўдзельнікі канферэнцыі: магістранты кафедры Колесава М. С., Кудрашова А. М., Кузьма А. С. Акрамя таго, высокі ўзровень работ прадэманстравалі студэнты 4 курса. Лепшымі аўтарамі дакладаў прызнаныя студэнткі 4 курса, 1 групы Прахарэнка Кацярына (два даклады рознай тэматыкі) і Жураўлёва Яна (самы цікавы даклад).

Опубликовано: 19.04.2019