“Моладзь і паліграфія”: вынікі Міжнароднага конкурсу

Падведзены вынікі Міжнароднага адкрытага конкурсу студэнцкіх навуковых работ па паліграфіі і выдавецкай справе “Моладзь і паліграфія”, які быў праведзены ў канцы 2015 года ў Львове пад эгідай Міністэрства асветы і навукі, моладзі і спорту Украіны.

Дыпломам ІІ ступені ўзнагароджана праца выпускніцы факультэта выдавецкай справы і паліграфіі БДТУ 2015 г. (спецыяльнасць “Выдавецкая справа”), а цяпер аспіранткі Маркоўка Юліі Мікалаеўны “Выдавецкая канцэпцыя кніжнага выдання аб малавядомым культурным дзеячы (на прыкладзе кнігі “Той, хто марыў. Язэп Драздовіч”)”. Навуковы кіраўнік: Трус Мікалай Валянцінавіч, загадчык кафедры беларускай філалогіі, кандыдат філалагічных навук, дацэнт.

ВІНШУЕМ!