Знаёмства з Alma mater

10 верасня 2026 г. у рамках адаптацыі да студэнцкага жыцця і знаёмства з гісторыяй універсітэта студэнты пятай групы першага курса факультэта ПіМ наведалі разам з куратарам (старшым выкладчыкам Т.П. Гуліцкай) музей гісторыі БДТУ. Гэтае мерапрыемства стала першым крокам у свет універсітэцкіх традыцый і дасягненняў. Студэнты даведаліся пра ключавыя этапы станаўлення ВНУ, яе развіццё ў пасляваенныя гады і сучасныя дасягненні.

У ходзе экскурсіі першакурснікі пазнаёміліся з кіраўніцтвам універсітэта розных гадоў і выдатнымі выпускнікамі, якія ўнеслі значны ўклад у развіццё навукі і прамысловасці. Асаблівую цікавасць у студэнтаў выклікалі сапраўдныя гістарычныя дакументы, узнагароды за навуковыя і спартыўныя дасягненні.