У панядзелак, 25 верасня, адбылася сустрэча студэнтаў 2 курса факультэта прынттэхналогій і медыякамунікацый (спецыяльнасць “Выдавецкая справа”, групы 4 і 5) з навуковым супрацоўнікам аддзела беларускай літаратуры ХХ і ХХІ ст. Інстытута літаратуразнаўства імя Янкі Купалы НАН Беларусі Ірынай Сяргееўнай Мяцеліцай. Арганізатар сустрэчы – ст. выкладчык кафедры беларускай філалогіі, канд. філал. навук Мандзік В.А.
Тэма гутаркі – “Асэнсаванне падзей Вялікай Айчыннай вайны ў сучаснай беларускай літаратуры як фактар захавання гістарычнай памяці”. Мерапрыемства адбылося ў межах правядзення Тыдня беларускай літаратуры і святкавання Дня народнага адзінства. Выступоўца расказала пра спецыфіку адлюстравання ваеннай тэмы ў творах пісьменнікаў розных пакаленняў, звярнуўшы асаблівую ўвагу на сучасны перыяд. Прагучалі ўрыўкі з вершаў класікаў і сучаснікаў. Падчас цікавай гутаркі студэнты даведаліся пра новыя тэндэнцыі літаратурнага жыцця краіны, усвядомілі, што літаратура як від мастацтва надалей застаецца фактарам захавання гістарычнай памяці і яднання беларускай нацыі.
