Заняткі па беларускай мове (прафесійнай лексіцы) на базе дома прыроды негарэльскага вучэбна-доследнага лясгаса

Назапашванне прафесійнай лексікі беларускай мовы ў студэнтаў 4 группы 1 курса лесагаспадарчага факультэта 9 кастрычніка 2023 года адбылося на базе Дома прыроды, што працуе ў Негарэльскім вучэбна-доследным лясгасе.

Заняткі, праведзеныя старшым выкладчыкам кафедры беларускай філалогіі Т.П. Гуліцкай, былі скіраваны не толькі на вывучэнне лесагаспадарчых тэрмінаў , але і на фарміраванне ў студэнтаў каштоўнасных адносін да прыроды і навакольнага асяроддзя, а таксама ўсведамленне прафесійнага выбару і сацыяльнай значнасці будучай прафесіянальнай дзейнасці. Асновай для вывучэння стала багатая фаўна Беларусі, прадстаўленая ў экспазіцыі праз дыярамы яе натуральнага асяроддзя пражывання. Высакаякасная работа таксадэрмістаў дазволіла ўбачыць будучым спецыялістам лясной гаспадаркі больш за 100 экспанатаў жывёльнага свету, праверыць веданне флоры і фаўны Беларусі, прыняўшы ўдзел у інтэрактыўнай віктарыне. Акрамя таго, быў адабраны матэрыял для распрацоўкі групавых праектаў, звязаных с лесагаспадарчай тэрміналогіяй і экалогічнай асветай, што ў перспектыве будуць абаронены падчас вывучэння курса “Беларуская мова (прафесійная лексіка).