У цэнтры Мінска захавалася месца, дзе можна акунуцца ў атмасферу XIX стагоддзя і перанесціся ў эпоху рамантызму, - гэта музей "Дом Ваньковічаў". 5 лістапада 2025 старшым выкладчыкам кафедры беларускай філалогіі Т.П. Гуліцкай сюды была арганізавана экскурсія для студэнтаў 2 і 3 курсаў факультэта ПіМ.
Пад час знаёмства з экспазіцыяй музея будучым рэдактарам расказалі пра гісторыю аднаго з вядомых беларускіх арыстакратычных родаў Ваньковічаў. Наведвальнікі змаглі на ўласныя вочы ўбачыць прадметы інтэр'ера, мэблю, партрэты і асабістыя рэчы, каб глыбей зразумець гістарычныя кантэкст і культурныя традыцыі таго часу.
Наведванне музея стала для студэнтаў сапраўдным дыялогам з мінулым, які прымусіў па-новаму зірнуць на гісторыю Беларусі і знакамітых асоб, што пакінулі свой след у сусветнай культуры.
