Тыдзень роднай мовы ў БДТУ

З 17 па 21 лютага 2025 года ў БДТУ пройдуць мерапрыемствы ў межах Тыдня роднай мовы, прымеркаванага да святкавання Міжнароднага дня роднай мовы, які адзначаецца ва ўсім свеце 21 лютага.

Кафедрай беларускай філалогіі (факультэт ПіМ) запланавана правядзенне наступных мерапрыемстваў:

- Конкурс чытальнікаў вершаў “Гучы, роднае слова”.

- Выстава малюнкаў “Родная мова – матчына мова, ззяе вясёлкай кожнае слова…”.

- Ярмарка творчых ідэй “Не пакідаце ж мовы роднай…”, накіраваная на папулярызацыю беларускай мовы.

- Конкурс насценных газет “Лінгвістычная стракатасць свету”.

- Акцыя “Чытаем разам”.

- Святочныя заняткі для беларускіх і замежных навучэнцаў БДТУ “Родная мова – мова майго роду і маёй краіны”.