3 мая студэнты 5 групы 2 курса факультэта ПіМ з куратарам Гуліцкай Т.П., старшым выкладчыкам кафедры беларускай філалогіі, наведалі Мемарыяльны комплекс "Масюкоўшчына". Менавіта тут падчас Вялікай Айчыннай вайны знаходзіўся адзін з самых буйных лагераў для ваеннапалонных савецкіх салдат і мірных жыхароў "Шталаг 352", створаны фашысцкімі захопнікамі ў чэрвені 1941. За час свайго існавання да ліпеня 1944 года тут загінулі больш за 80000 вязняў, з іх ўстаноўлены імёны толькі крыху больш за 14 000 чалавек. Адгалоскі вайны чутны яшчэ і зараз. Больш за тыдзень таму тут былі захаваны астанкі загінулых воінаў, знойдзеныя падчас работ на месцы лагера.
Студэнты ўсклалі кветкі да помніка і ўшанавалі памяць усіх, хто аддаў сваё жыццё за барацьбе з фашызмам, Мінутай маўчання.
