Музейныя заняткі ў вывучэнні рускай мовы

3 чэрвеня 2024 года для слухачоў, што вывучаюць рускую мову ў БДТУ, старшымі выкладчыкамі кафедры беларускай філалогіі Т.П. Гуліцкай і В.М. Гусевай былі арганізаваныя заняткі і экскурсія ў Нацыянальным мастацкім музеі.

Замежныя навучэнцы былі ўражаны найбуйнейшай ў Рэспубліцы Беларусь калекцыяй замежнага і беларускага мастацтва, даведаўшыся, што яна ўтрымлівае больш за 30 тысяч адзінак. Наведвальнікі змаглі ўбачыць творы беларускага, рускага, заходнееўрапейскага і ўсходняга мастацтва.

Такая форма заняткаў праз уласнае знаёмства з шэдэўрамі выяўленчага мастацтва дазволіла не толькі апынуцца ў новай маўленчай сітуацыі, але і атрымаць эстэтычнае задавальненне.