Хутка настане самае цудоўнае свята – Новы год. У гэтыя перадсвяточныя дні кафедра беларускай філалогіі ў чарговы раз правяла конкурс-выставу навагодніх сувеніраў, створаных студэнтамі факультэта прынттэхналогій і медыякамунікацый (спецыяльнасці “Выдавецкая справа”).

Будучыя рэдактары-тэхнолагі прадэманстравалі ўменне ствараць арт-аб’екты (навагоднія ялінкі, цацкі, калядныя вянкі) з самых разнастайных матэрыялаў: паперы, картону, шкла, ваты, тканіны і нават макаронаў. Усе ўдзельнікі конкурсу-выставы прадэманстравалі багатую фантазію і творчы патэнцыял. А казачныя работы падаравалі святочны настрой усім прысутным!