Наступіла сапраўдная зіма! Усе чакаюць самае цудоўнае свята – Новы год. У гэтыя перадсвяточныя дні кафедра беларускай філалогіі ў чарговы раз правяла конкурс-выставу навагодніх сувеніраў, створаных пераважна студэнтамі факультэта прынттэхналогій і медыякамунікацый (спецыяльнасці “Выдавецкая справа”).
Будучыя рэдактары-тэхнолагі прадэманстравалі ўменне ствараць арт-аб’екты (навагоднія ялінкі, цацкі, калядныя вянкі) з разнастайных матэрыялаў: паперы, картону, шкла, ваты, тканіны і нават з макаронаў. У памяшканнях кафедры беларускай філалогіі з’явіліся цэлыя зімовыя вёскі з казачнымі снегавікамі і гномікамі.
Усе ўдзельнікі конкурсу прадэманстравалі багатую фантазію і творчы патэнцыял, а іх цудоўныя работы падаравалі святочны настрой прысутным!
Опубликовано: 27.12.2021