Глядзім разам: «Янка Купала ў Славакіі»

14 сакавіка 2016 г. на БТ-3 у перадачы “Дыя@блог. Пра літаратуру” адбыўся прэм’ерны паказ запісу гутаркі з загадчыкам кафедры беларускай філалогіі БДТУ дацэнтам Мікалаем Валянцінавічам Трусам.

З Купалам – па Славакіі. У студыі "Дыяблогу" Мікола Трус

Гаворка ішла пра візіт першага народнага паэта Беларусі Янкі Купалы ў Славакію ў кастрычніку 1935 года ў складзе дэлегацыі савецкіх пісьменнікаў і журналістаў. Абставіны гэтага падарожжа падрабязна прадстаўлены ў манаграфіі М.В. Труса “Янка Купала ў Славакіі” (2012). Даследаванне стала навуковым абгрунтаваннем міжнароднага культурнага праекта “Славацкімі шляхамі Янкі Купалы”, які быў ажыццёўлены ў чэрвені 2015 года.