Супрацоўніцтва кафедры рэдакцыйна-выдавецкіх тэхналогій з Палацам дзяцей і моладзі ў Мінску

Кафедра рэдакцыйна-выдавецкіх тэхналогій нашага ўніверсітэта мае цесныя творчыя стасункі не толькі з выдавецтвамі, медыяхолдынгамі, тыпаграфіямі, але ў іншымі ўстановамі адукацыі. Адной з такіх устаноў з'яўляецца Мінскі дзяржаўны палац дзяцей і моладзі. Менавіта там 20 і 21 студзеня 2019 года аддзелам інтэлектуальнай творчасці ў рамках ХХХVIII гарадской канферэнцыі навучэнцаў быў арганізаваны конкурс даследчых работ.

Для правядзення конкурсу і ацэнкі вучнёўскіх работ мінчан у секцыі "Лінгвістыка" (па вучэбным прадмеце "Беларуская мова") быў запрошаны вядомы ў рэспубліцы даследчык, метадыст, навуковец Уладзімір Куліковіч - загадчык кафедры РВТ.

- Удзел у такім мерапрыемстве Уладзіміра Іванавіча - вялікі гонар для нас! - з захапленнем расказалі нашым карэспандэнтам арганізатары конкурсу. - Гэта не першая наша сумесная праца. Прысутнасць такой асобы - гэта гарант аб'ектыўнасці і высокага прафесіяналізму, паказчык увагі і павагі з боку навукоўцаў тэхналагічнага ўніверсітэта да агульнаадукацыйных устаноў.

Сам жа загадчык кафедры патлумачыў, што з цікавасцю і захапленнем (пры наяўнасці вольнай хвіліны) прымае удзел у падобных імпрэзах, паколькі яны дазваляюць адчуць рытм жыцця сучаснай школы, узровень патэнцыйных абітурыентаў, падтрымліваюць творчы запал і натхненне.

Кацярына Шчыгельская

На фота. Імгненні конкурсу

Опубликовано: 24.01.2019

Больше по рубрике

ИНФОРМАЦИЯ ДЛЯ МОЛОДЫХ УЧЕНЫХ

22.03.2023

В БГТУ стартовала международная конференция молодых ученых «Инновационные материалы и технологии – 2023»

22.03.2023

Список научно-педагогических и научных сотрудников БГТУ, которые представляются к присвоению ученых званий на заседании совета университета 28 марта 2023 г.

20.03.2023