31 мая ў БДТУ адбудзецца сустрэча з маладой беларускай пісьменніцай, дызайнеркай і даследчыцай візуальнай культуры Ксеніяй Шталенковай. 

Ксенія з’яўляецца аўтаркай раманаў “Адваротны бок люстра” (2012, 2016) і “Губернскі дэтэктыў. Справа аб крывавых дукатах” (2017), а таксама займаецца кніжным дызайнам уласных кніг і кніг іншых аўтараў. 

Так, у 2015 годзе аўтарскі праект трылогіі “Адваротны бок люстра” і прома-прадукцыя да яе ўвайшлі ў пяцёрку найлепшых прац у галіне графічнага дызайна на конкурсе “Дызайн Дэбют” (Брытанская школа дызайна, Масква), праект быў прыняты да друку выдавецтвам “Мастацкая літаратура”, а дэбютная кніга паэзіі Міхала Бараноўскага “Volumen.1” у афармленні Ксеніі сталася лаўрэатам прэміі “Літаратурны дэбют” імя Максіма Багдановіча” у 2017 годзе.

Падчас сустрэчы Ксенія прадставіць свае творы і раскажа пра асаблівасці распрацоўкі праектаў сваіх кніг.

Опубликовано: 31.05.2018