Пачатак супрацоўніцтва кафедры РВТ з Універсітэтам імя Адама Міцкевіча ў Познані (Польшча)

Па запрашэнні загадчыка кафедры рэдакцыйна-выдавецкіх тэхналогій (РВТ) Уладзіміра Куліковіча наш ўніверсітэт з 4 па 7 красавіка наведала загадчыца кафедры дапаможных навук і рэдагавання Універсітэта імя Адама Міцкевіча ў Познані (Польшча), доктар габілітаваны, прафесар Катажына Кшак-Вайс. Менавіта яна з’яўляецца куратарам магістранткі кафедры Ксеніі Тарасевіч, якая з восені 2018 г. праходзіць стажыроўку ў Познанскім ўніверсітэце.

За час знаходжання ў Мінску польская даследчыца пазнаёмілася з Нацыянаьнай бібліятэкай, дзейнасцю кафедры РВТ і БДТУ, абмеркавала шляхі магчымага супрацоўніцтва з начальнікам аддзела міжнароднага супрацоўніцтва Вольгай Рогавай, дэканам факультэта ПіМ Таццянай Далговай і загадчыкам кафедры РВТ Уладзімірам Куліковічам.

Акрамя гэтага прафесарка на грамадскіх пачатках натхнёна прачытала дзве лекцыі па-польску для студэнтаў-выдаўцоў на тэмы: «Пачаткі польскай тыпаграфіі» і «Польская школа ілюстрацыі – феномен еўрапейскага ўзроўню». Перакладчыкам і асістэнткай прафесаркі падчас лекцыі была Ксенія Тарасевіч, якая на высокім узроўні, прафесійна данесла да слухачоў польскамоўныя тэксты.