Пад такою назвай у кабінеце літаратурнага клуба “Ветліца” адбылася прэзентацыя паэтычнай творчасці студэнткі 2 курса ІЭФ Наталлі Клімавай. На сустрэчу з маладой паэткай прыйшлі студэнты 1 – 3 курсаў факультэтаў ТАР і ЛІС з інтэрнатаў 1, 4 і 5.
Кіраўнік клуба пазнаёміла прысутных з аўтарам, коратка расказала пра дзейнасць клуба, запрасіла прыняць удзел у рэспубліканскім літаратурным конкурсе “Аўтограф”.
Наташа добра падрыхтавалася да выступлення: зрабіла прэзентацыю, падрыхтавала камп’ютарны зборнік уласных вершаў і буклет з аўтарскім подпісам у падарунак прысутным. І вось зала напоўнілася гукамі высокага паэтычнага слова!
Наташа цудоўна чытае вершы, тым больш свае, таму паэтычныя радкі ўспрымаліся лёгка , пранікнёна, закраналі патаемныя струны душы, уздымалі над паўсядзённым быццём.
Кіраўнік літаратурнага клуба “Ветліца” Н.Я.Савіцкая
