У 5 групе 1 курса факультэта ПіМ 12 лістапада (куратар Т.П. Гуліцкая) прайшла куратарская гадзіна, прысвечаная прафілактыцы шкодных звычак сярод моладзі: тытунекурэння, алкагалізму, наркаманіі і лічбавай залежнасці, а таксама прапаганда здаровага ладу жыцця.
Куратарская гадзіна прайшла ў фармаце інтэрактыўнай гутаркі з элементамі трэнінгу. Студэнты абмеркавалі, што такое свабода выбару і дзе праходзіць мяжа паміж свабодай і залежнасцю, развеялі папулярныя міфы пра “бясшкоднасць” псіхаактыўных рэчываў і электронных цыгарэт.
Асаблівую цікавасць выклікаў квіз «Праўда ці міф», падчас якога ўдзельнікі вызначалі дакладнасць распаўсюджаных сцвярджэнняў аб вейпах, кальяне, алкаголі, энергетыках і лічбавай залежнасці.
Завяршылася куратарская гадзіна вызначэннем здаровых альтэрнатыў, дзе студэнты прапанавалі ўласныя варыянты карыснага вольнага часу: спорт, творчасць, жывыя зносіны, хобі і самаадукацыя.
