Лірычныя вечары ў Тэхналагічным “Сям’я

Лірычныя вечары ў Тэхналагічным “Сям’я – сем Я”

Літаратурна-музычная кампазіцыя да Тыдня бацькоўскай любові

20.10.2025 г. у 15.30 у гасцёўні літаратурнага клуба “Ветліца” сабраліся студэнты першага курса факультэтаў ХТіТ, ПіМ і ЛГ, каб творча адзначыць Тыдзень бацькоўскай любові. Вядучыя - Сончык Андрэй і Корбут Андрэй – расказалі пра ролю сям’і ў жыцці кожнага чалавека, ды не толькі мамы і таты, але і дзядуль, і бабуль, і цётак, і дзядзькаў і г.д. І ўвогуле аб неабходнасці ведаць свой род і ганарыцца ім. Правялі творчыя заданні на веданне прыказак і прымавак пра сям’ю, на ўменне гаварыць кампліменты блізкім і любімым людзям і інш.

Віялета Мяшок прачытала вершы пра маму ( адзін з іх уласны), Зубарэнка Уладзімір – пра сям’ю, Ганна Якушонак праспявала песні пра маму, а Сычэвіч Кірыл праспяваў пра хату бацьбоў і бацьку.

Потым прысутныя студэнты чыталі вершы пра сям’ю, маці і бацьку, напісаныя членамі літаратурнага клуба розных гадоў і надрукаваныя ў літаратурна-мастацкіх альманахах “AVE” , і паабяцалі 21 кастрычніка павіншаваць сваіх татаў з Днём бацькі і сказаць ім цёплыя словы любові і ласкі.