Процоўны калектыў і кіраўніцтва БДТУ віншуюць доктара тэхнічных навук, прафесара, заслужанага работніка адукацыі Эльвіру Ціханаўну Круцько з 75-годдзем з дня нарадження.
Эльвіра Ціханаўна нарадзілася 18 студзеня 1949 года ў г.п. Бешанковічы Віцебскай вобл. У 1971 г. з адзнакай скончыла Беларускі тэхналагічны інстытут імя С.М. Кірава па спецыяльнасці “Хімічная тэхналогія перапрацоўкі нафты і газу” i была накіравана па размеркаванні ў Інстытут фізіка-арганічнай хіміі Акадэміі навук БССР. Пасля заканчэння аспірантуры і абароны кандыдацкай дысертацыі працавала на пасадах навуковага супрацоўніка, старшага навуковага супрацоўніка Інстытута фізіка-арганічнай хіміі Акадэміі навук Беларусі да 1992 года. З 1992 г. пераводам была накіравана ў Фонд фундаментальных даследаванняў Рэспублікі Беларусь, а ў 1996 г. была абрана дацэнтам Беларускага дзяржаўнага тэхналагічнага ўніверсітэта. З 2004 года по верасень 2023 г. – прафесар кафедры палімерных кампазіцыйных матэрыялаў, с 01.09.2023 - прафесар кафедры нафтагазаперапрацоўкі і нафтахіміі.
Э.Ц. Круцько – вядомы вучоны ў галіне сінтэзу і даследавання новых палімерных матэрыялаў, але і сення яна чытае курсы лекцый і праводзіць практычныя заняткі па 6-ці спецыяльных дысцыплінах на высокім прафесійным і навуковым узроўнях. Пад яе кіраўніцтвам створаны шэраг новых высокатэрмаўстойлівых поліімідных матэрыялаў: фотарэзісты, залівачныя кампаунды, планарызуючыя, дыэлектрычныя,антыкаразійныя пакрыцці, якія ўкаранёны ў вытворчасць Адкрытага акцыянернага таварыства «Інтэграл» (г.Мінск), Маскоўскага электралямпавага завода (г.Масква). Э. Ц. Круцько паспяхова сумяшчае педагагічную і навуковую працу. Яна на працягу многіх гадоў з яўляецца кіраўніком шэрагу навукова-даследчых і гаспадарчых тэм. Актыўна прыцягвае студэнтаў, магістрантаў і аспірантаў да ўдзелу ў навуковай дзейнасці, ў рэспубліканскіх і міжнародных канферэнцыях і конкурсах. Пад яе кіраўніцтвам 31 студэнцкая работа узнагароджана Дыпломамі Першай катэгорыі Рэспубліканскага конкурсу навуковых работ студэнтаў, сярод якіх чатыры лаўрэата.
За высокія дасягненні ў падрыхтоўцы кадраў і развіцці навукі Э.Ц.Круцько ўзнагароджана нагрудным знакам Міністэрства адукацыі Рэспублікі Беларусь «Выдатнік адукацыі», Ганаровай граматай Міністэрства адукацыі Рэспублікі Беларусь, Ганаровай граматай Нацыянальнага сходу Рэспублікі Беларусь, ганаровымі граматамі ўніверсітэта.
За значны ўклад у сацыяльна-эканамічнае развіццё Рэспублікі Беларусь у галіне навукі і вышэйшай адукацыі Э.Ц.Круцько была ўстаноўлена персанальная надбаўка Прэзідэнта Рэспублікі Беларусь (2007 г.). За асобы ўклад у развіццё адораных студэнтаў Круцько Э.Т. узнагароджана Ш Прэміяй спецыяльнага Фонду Прэзідэнта Рэспублікі Беларусь (2010 г.). У 2015 годзе Круцько Э.Ц. узнагароджана Медалем “За працоўныя заслугі”. За адказныя добрасумленныя выкананні абавязкаў члена экспертнага савета №12 ВАК Республікі Беларусь ў 2018 годзе Э. Ц. Круцько ўзнагароджана Ганаровай Граматай Вышэйшай атэстацыйнай камісіі Рэспублікі Беларусь. Заслужаны работнік адукацыі.
