Напярэдадні зімовай сесіі асабліва актуальнымі становяцца пытанні ўзаемаадносін паміж студэнтамі і выкладчыкамі, а таксама роля эмоцый у працэсе вучобы і экзаменацыйнай сесіі. Менавіта гэтыя тэмы вырашаліся падчас сустрэч са студэнтамі факультэта ІЭ і ЛГФ ў інтэрнаце №3 на працягу тыдня педагогам-псіхолагам аддзела выхаваўчай работы з моладдзю Л.М.Дзіцэвіч у фармаце Студэнцкага псіхалагічнага тэатра мініяцюр “ШАР”. Студэнты паказвалі псіхалагічныя жыццёвыя сітуацыі і шляхі выхаду з негатыўнага становішча.
Моладзь цікавілі разнастайныя вучэбныя працэсы, асабліва падчас экзаменацыйнай сесіі. Студэнты надзвычай артыстычна пад апладысменты сыгралі псіхалагічныя мініяцюры “На экзамене”, “Як працуюць нашы эмоцыі”, “У транспарце” і інш.
Л.М.Дзіцэвіч удзячна арганізатарам сустрэч: выхавальніку інт. №3 Аўсіевіч Л.В, куратарам Дз.А.Жуку і А.А. Пузырэўскай.
